06 avg 13:08
Yangiliklar

Tennis

Palermo Ladies Open. Plishkovada mag'lubiyat

Italiyaning Palermo shahri mezbonlik qilayotgan restartdan keyingi ilk WTA turniri o'zining qizg'in pallasiga kirib bormoqda.

Kutilmaganda sayyoramizning 69-raketkasi Kristina Plishkova ikkinchi davra uchrashuvida mag'lubiyat alamini totib ko'rdi. CHexiyalik tennis malikasi reytingning 167-pog'onasidan joy olib turgan italiyalik Sara Erraniga 6/3, 4/6, 3/6 hisobida yutqazib qo'ydi.

Uchrashuv 2 soatu 1 daqiqa davom etgan. Bu vaqt oralig'ida 28 yoshli Plishkova 7 ta eys zarbani amalga oshirdi. 33 yashar Errani esa bu ko'rsatkich nolni tashkil etdi. Bu tennischilarning o'zaro ilk uchrashuvi edi. Endi Errani Palermo Ladies Open turnirining chorak finalida franciyalik Fiona Ferroga qarshi kortga chiqadi.