Paralimpiya o'yinlari yo'llanmasini qo'lga kiritgan sportchilarimizga 100 mln so'm topshirildi

Tokio-2020 Paralimpiya o'yinlariga yo'llanma beruvchi mazkur musobaqa O'zbekiston terma jamoasi uchun ham muvaffaqiyatli o'tib, unda vakillarimiz Paralimpiya o'yinlariga 3 ta yo'llanmani qo'lga kiritishdi.

Jahon chempionatida SHahnoza Mirzaeva KL3 yo'nalishida oltin medal va Paralimpiada licenziyasi, Azizbek Abdulhabibov hamda Hayitmurod SHerqo'ziev sovrinli o'rinlarga ilina olishmagan bo'lishsa ham, Paralimpiya o'yinlariga yo'llanma beruvchi pog'onada finishga etib kelishgan edi. 

O'zbekiston Milliy Paralimpiya associaciyasida Tokio-2020 Paralimpiya o'yinlariga yo'llanma qo'lga kiritgan sportchilar va ularning murabbiylarini taqdirlash marosimi bo'lib o'tdi. 

Unda Jismoniy tarbiya va sport vazirining birinchi o'rinbosari Oybek Kasimov, MOQ vice-prezidenti Saken Polatov, MOQ prezidenti maslahatchisi Nazirjon Xudoyqulov, Paralimpiya associaciyasi rahbari Muxtorxon Toshxo'jaev va OAV vakillari ishtirok etishdi. 

Tadbirda Oybek Kasimov va Sakent Polatov so'zga chiqib, Prezidentimiz tomonidan qaratilayotgan bunday etibor sportchilarning yangi g'alabalariga poydevor bo'lishini takidlab, ularning kelgusidagi faoliyatida ham omad va zafarlar tilab o'tishdi. 

Paralimpiya associaciyasi rahbari Muxtorxon Toshxo'jaev esa quyidagi fikrlarni bildirib o'tdi:

“Avvalo, sizlarning jahon chempionatida qayd etgan natijangiz bilan muborakbod etaman. Biz sizlar bilan faxrlanamiz va sizlar bizning faxrimizsiz. SHug'ullanishlaringiz uchun etarli shart-sharoitlar yaratib berayotgan hukumatimizga ham tashakkur aytib o'tmoqchiman. Umid qilamizki, Tokio Paralimpiadasidan bundan ham yuqori natijalar bilan qaytib, Vatanimiz dovrug'ini yanada yuksaklarga ko'tarasizlar”. 

Belgilanganidek, Paralimpiya o'yinlariga yo'llanma olgan sportchilarimiz 100 million, ularning murabbiylariga esa 50 million so'm miqdorida mukofot pullari topshirildi.