“Parij-2024” Tashkiliy qo'mitasi muxlislar uchun yangi dastur tayyorladi

Ushbu muhim voqea munosabati bilan musobaqa Tashkiliy qo'mitasi Franciya aholisiga Olimpiya va Paralimpiya o'yinlari to'g'risida hikoya qilib berish maqsadida “Parij-2024” klubini ochdi.

2024 yilgi Olimpiya o'yinlari boshlangunga qadar “Parij-2024” klubi har oyda o'z azolariga hamma ishtirok etishi mumkin bo'lgan qiziqarli musobaqalarda qatnashish, Olimpiya va Paralimpiya chempionlari bilan uchrashish, shuningdek boshqa ko'pgina maroqli sport va madaniy tadbirlarida ishtirok etish imkoniyatlarini yaratadi.

O'yinlarda ishtirok etish mukofotga ega bo'lish uchun ballar to'plash imkonini yaratadi. Ana shu mukofotlar Olimpiya mashalasini olib o'tish, Olimpiya o'yinlari tarixida birinchi marta o'tkaziladigan ommaviy marafonda ishtirok etish, shuningdek Olimpiada chiptalarini xarid qilish bo'yicha barcha malumotlarga ega bo'lish, “Parij-2024”da ko'ngilli bo'lish uchun ustuvor tarzda ro'yxatdan o'tishni nazarda tutadi.

Bundan tashqari, muxlislar uchun sportchilar bilan muloqot qilish paytida klubning ayrim azolari Franciyaning etakchi sport yulduzlari bilan yakkama-yakka muloqot qilish, sport turlari bo'yicha milliy chempionlar bilan musobaqalashish yoki sportchilar bilan sayohat qilish imkoniyatlari ham yaratiladi.

Klubning ilk azolarini Olimpiya o'yinlariga tayyorgarlik ko'rayotgan sportchilar – “Parij-2024”ning elchilari kutib oladi. Franciyaning Olimpiya va Paralimpiya sportchilari yaqin orada mamlakatda o'tkaziladigan turli musobaqalarda ishtirok etishga tayyorlar va buni orziqib kutmoqdalar.