02 noy 10:21
Yangiliklar

Tennis

Parij “Masters”. Novak Jokovich Cicipasga 3 ta geym berdi

Franciya poytaxti Parij shahrida o'tkazilayotgan “Masters” seriyasiga kiruvchi turnir o'zining hal qiluvchi pallasiga kirdi.

Dunyoning birinchi raketkasi Novak Jokovich ortiqcha qiyinchiliksiz musobaqaning yarim finaliga yo'l oldi. Serbiyalik tennis yulduzi chorak finalda ATP reytingida 7-o'rinni egallab turgan greciyalik Stefanos Cicipasni musobaqadan chiqarib yubordi.

Jokovich 58 daqiqa davom etgan uchrashuvda raqibini 6/1, 6/2 hisobida dog'da qoldirdi. Bu vaqt oralig'ida 32 yoshli Jokovich 5, 21 yashar Cicipas esa 3 ta eys zarbasini amalga oshirdi. Ikki tennischining o'zaro uchrashuvlaridagi hisob muvozanati tiklandi - 2:2. Endi Novak Rolex Paris Masters 1/2 finalida bolgariyalik Grigor Dimitrovga qarshi kortga chiqadi.