Pekin-2022. Netan CHen figurali uchish bo'yicha Olimpiada chempioni!

Figurali uchish bo'yicha erkaklar o'rtasida erkin dastur yakunlanib, g'olib va sovrindorlar nomi malum bo'ldi.

Uch karra jahon chempioni, amerikalik figurali uchuvchi Netan CHen endi Olimpiadada tengsiz bo'ldi. U qisqa dasturdan keyin ham peqadam bo'lib turgan edi. Ikkinchi o'rinni yaponiyalik Yuma Kagiyama egallagan bo'lsa, uchinchi o'rindan ham Yaponiya vakili SHoma Uno joy oldi. 

Netan CHen (AQSH) yakkalik bahslarida o'yinlar sovrinini qo'lga kiritgan ettinchi amerikalik sportchiga aylandi. 22 yoshli sportchi uchun bu medal Pekindagi ikkinchisi, Olimpiya o'yinlaridagi uchinchi medal bo'ldi. CHen bir necha kun avval jamoaviy bahslarda kumush medalga ega chiqqan edi. SHuningdek, u Pxyonchxan Olimpiadasida terma jamoasi bilan bronza medalini qo'lga kiritgan. 

Yaponiyalik Yuma Nagiyama Pekin Olimpiya o'yinlarida ikkinchi bor sovridorlar qatoridan joy oldi. 18 yoshli Nagiyama 7 fevralda jamoasi bilan bronza medaliga ega chiqqan edi. 

Bugun 3-o'rinni egallagan SHoma Uno ham hamyurti Nagiyama singari Pekindagi ikkinchi medalini qo'lga kiritdi. Pxyonchxan-2018 Olimpiadasida yakkalik bahslarida shohsupaning ikkinchi o'rnini band etgandi. 

Favoritlar qatorida medallarga ega chiqishi kutilgan rossiyaliklardan eng yaxshi natijani Evgeniy Semenenko qayd etdi. U yakkalik bahslarini 8-o'rinda yakunladi. 

Pekin-2022. Figurali uchish. Erkaklar yakkalik 

1. Netan CHen (AQSH) – 332,60

2. Yuma Kagiyama (Yaponiya) – 310,05

3. SHoma Uno (Yaponiya) – 293,00

4. Yudzuru Xanyu (Yaponiya) – 283,21

5. CHxa Djun Xvan (Janubiy Koreya) – 282,38

6. Djeyson Braun (AQSH) – 281,24

7. Daniel Grassl (Italiya) – 278,07

8. Evgeniy Semenenko (Rossiya) – 274,13

9. Czin Boyan (Xitoy) – 270,43

10. Moris Kvitelashvili (Gruziya) – 268,62