Pekin-2022 uchun ko'ngilli bo'lishni istaganlar soni million nafarga yaqinlashdi

960 mingdan ortiq kishi bo'lajak qishki Olimpiya o'yinlarida ko'ngilli yordamchi bo'lish istagida ekanini bildirgan.

Ushbu maqsad uchun 2019 yil 5 dekabrdan boshlab ochilgan internet-portalida 1,22 milliondan ortiq foydalanuvchi ro'yxatdan o'tdi. Saytga tashriflar soni 33 milliondan oshdi. Tashkiliy qo'mita vakillarining so'zlariga ko'ra, dasturda ishtirok etish uchun arizalar 168 mamlakatdan kelib tushgan. Potencial nomzodlarning 96 foizi 35 yoshgacha bo'lganlardir. Davogarlarning 85 foizi talabalardan iborat. SHunisi etiborga loyiqki, jismoniy imkoniyati cheklangan 2 mingdan ziyod kishi ko'ngilli sifatida ishlash istagini bildirgan.

Hujjatlarni qabul qilish 2021 yil 30 iyungacha davom etadi. Keyin Tashkiliy qo'mita talabgorlarni tanlaydi. Olimpiya o'yinlarini o'tkazishga yordam berish uchun jami 27 ming, Paralimpiya o'yinlariga yana 12 ming ko'ngillini jalb qilish rejalashtirilgan.

Muvaffaqiyatli o'tgan nomzodlar Tashkiliy qo'mita tomonidan mutaxassislikka o'qishlari talab etiladi. Olimpiya o'yinlarida to'g'ridan-to'g'ri ishlay olmaydigan davogarlarga ikkinchi imkoniyat berilishi mumkin – ularning bazilari shahar ko'ngillilari sifatida o'z kuchlarini sinab ko'rish uchun taklifnoma olishadi.