11 fev 14:33
Yangiliklar

Tennis

Plishkova Kluj-Napoka bosh sovrini uchun kortga chiqadi

Ruminiyaning Kluj-Napoka shahrida o'tkazilayotgan tennis bo'yicha WTA turniri o'zining hal qiluvchi bosqichiga etib keldi.

Musobaqada finalchilar aniqlandi. Dunyoning 78-raketkasi, chexiyalik Karolina Plishkova 1/2 finalda WTA reytingida 103-pog'onada borayotgan britaniyalik Xerriet Dartni ikki setda ham bir xil hisobda mag'lubiyatga uchratdi - 6/3, 6/3.

Tennischilarning o'zaro uchrashuvlaridagi hisob 3:0 ko'rinishiga keldi. Sakson to'rt daqiqa davom etgan bahsda ikkala tennischi ham 2 tadan eysni amalga oshirib, 6 tadan qo'shxatoga yo'l qo'ydi. Plishkova 5, Dart 2 ta breykka erishgan. Bugun Karolina bosh sovrin uchun ruminiyalik Ana Bogdanga qarshi kortga chiqadi.