05 noy 17:17
Yangiliklar
Boshqalar, Tadbirlar
Pragada MOQAning XXII Bosh Assambleyasi o'z ishini yakunladi
CHexiya poytaxti Pragada Milliy olimpiya qo'mitalari Associaciyasining XXII Bosh Assambleyasi bo'lib o'tdi.
Unda Associaciyaga azo barcha – 206 ta Milliy olimpiya qo'mitalari vakillari, Xalqaro va qita Olimpiya qo'mitalari rahbarlari, Butunjahon sport federaciyalar va Associaciyalar mutasaddilari ishtirok etishdi. Mamlakatimiz nomidan Milliy olimpiya qo'mitalari Associacciyasi (MOQA) Bosh Assambleyasida O'zbekiston Milliy olimpiya qo'mitasi Bosh kotibi Oybek Kasimov qatnashdi.
Xabar berib
o'tganimizdek, CHexiyaga safari davomida Oybek Omilovichning bir qator
Xalqaro sport tashkilotlari, federaciya va Associaciyalar rahbarlari bilan
uchrashuvi belgilab qo'yilgandi. Bugun O'zbekiston Milliy olimpiya qo'mitasi
Bosh kotibi XOQ qoshidagi “Olimpiya Birdamligi” dasturi direktori Pere
Miro, Xalqaro suzish federaciyasi (FINA) Prezidenti doktor Xulio Sesar
Maglione, Birlashgan Kurash dunyosi (UWW) Prezidenti Nenad Lalovich, Kurash
xalqaro Associaciyasi (IKA) Prezidenti Haydar Farmon, Xalqaro qilichbozlik
federaciyasi Bosh kotibi Emmanuel Katsiadakis, Xalqaro gimnastika
federaciyasi Prezidenti Morinari Vatanabe, ushbu federaciya Bosh kotibi
o'rinbosari Nikolas Buompan, Xalqaro engil atletika federaciyalari
Associaciyasi (IAAF) birinchi vice-prezidenti Sergey Bubka va boshqa
mutasaddilar bilan uchrashdi.
Albatta bu
uchrashuvlardan ko'zlangan asosiy maqsad O'zbekiston Milliy olimpiya qo'mitasi
va Xalqaro sport tashkilotlari, federaciyalar va Associaciyalar bilan
hamkorlik rishlarini mustahkamlash, jahon sporti mutasaddilarini yurtimizga
taklif etish, o'zbek sportninig bugungi kundagi salohiyatini dunyoga
tanitishdan iborat edi.
XOQ qoshida faoliyat olib
boradigan “Olimpiya birdamligi” dasturi olimpiya oilasining eng nufuzli
tashkilotlaridan hisoblanib butun dunyoda olimpizm g'oyalarini targ'ib etishda
Milliy olimpiya qo'milariga yaqindan yordam berib keladi. Ushbu dastur
direktori Pere Miro bilan bo'lib o'tgan uchrashuv chog'ida aloqalarni yanada
mustahkamlash, hamkorlik doirasini kengaytirish borasida fikr almashildi.
Bugungi kunga qadar
O'zbekiston Milliy olimpiya qo'mitasi va “Olimpiya birdlamligi” dasturi
hamkorligi natijasida sport kadrlari malakasini oshirish yo'lida
mamlakatimizda bir qator o'quv-treninglar, texnik kurslar va seminarlar
muntazam tashkil etib kelinmoqa. Ortda qolgan davr mobaynida MOQ Xalqaro
olimpiya qo'mitasi yordamida badiiy va sport gimnastikasi, qilichbozlik,
basketbol, sport kurashlari, taekvondo, dzyudo, engil atletika, suzish,
voleybol, ot sporti, figurali uchish, o'q otish va boshqa sport turlari
mutaxassislari uchun 40 dan ziyod o'quv kurslari tashkil etdi.
Qolaversa, “Olimpiya birdamligi” dasturi asosida O'zbekistonning eng iqtidorli va kelajagi porloq sportchilariga har Olimpiya ciklida maxsus stipendiyalar ajratilib kelinmoqda. Bu ham o'z navbatida olimpiya terma jamoasi azolariga qo'shimcha rag'bat bo'lib xizmat qilib, ularni yangidan yangi marralar sari odimlashlarida turtki bo'lmoqda. Janob Pere Mire va O'zbekiston Milliy olimpiya qo'mitasi Bosh kotibi o'rtasidagi uchrashuvda hamkorlik doirasini yanada kengaytirish, o'zaro yangi dastur va loyixalarni amalga oshirish masalasida kelishuvga erishildi.
Xalqaro suzish
federaciyasi (FINA) Prezidenti doktor Xulio Sesar Maglione esa joriy
yilning sentyabr oyida mamlakatimizda bo'lib o'tgan suv sporti turlari
bo'yicha Osiyo chempionati yuqori saviyada tashkil etilganligidan mamnun
ekanligini yashirmadi. Toshkent sportning ushbu turi bo'yicha bundan-da
nufuzli musobaqalarga mezbonlik qilish qudratiga ega ekanligini takidlab
o'tdi.
Qita chempionati bizga
sinov tariqasida berilganligi va O'zbekiston bu sinovdan muvaffaqiyatli
o'tganligini bildirar ekan, doktor Maglione bundan buyon endi jahon
miqyosidagi musobaqalar mezbonligini ham hech ikkilanmasdan poytaxtimizga
berish mumkinligi xaqida gapirdi.
Birlashgan Kurash dunyosi
(UWW) rahbari Nenad Lalovich ushbu tashkilot Prezidentligiga aynan
Toshkentda saylanlanganini faxr bilan esga oldi. 2014 yilning 7 sentyabr
kuni poytaxtimizda Birlashgan Kurash usullari Xalqaro Federaciyasi (FILA)
ning Kongressi o'tkazalib, unda tashkilot nomini Birlashgan Kurash Dunyosi
(UWW) ga o'zgartirish xaqida qaror qabul qilingan va serbiyalik Nenad
Lalovich unga Prezident etib saylangandi. O'zbekiston ushbu tashkilotning
eng faol azolaridan hisoblanadi. 2000 yildan beri birorta yozgi Olimpiya
o'yinlari yo'qki sport kurashlari bo'yicha O'zbekiston terma jamoasi azolari
sovrindorlar safidan joy olmagan bo'lsalar. Lalovich mamlakatimizda
sportning ushbu turi kelajagiga yuqori baho berar ekan, Tokio 2020 Olimpiya
o'yinlarida ham o'zbekistonlik sportchilardan eng yuqori natijalarni
kutayotganligini takidlab o'tdi.
Malumki, joriy yilning
2 oktyabrida muhtaram Prezidentimizning “Kurash milliy sport turini yanada
rivojlantirish chora-tadbirlari to'g'risida”gi qarorlari elon qilindi.
Milliy sportimiz taraqqiyoti va uni butun dunyoda yanada ommaviylashtirish
yo'lida imzolangan ushbu tarixiy xujjat xaqida Kurash xalqaro Associaciyasi
(IKA) Prezidenti Haydar Farmon ham to'lqinlanib gapirdi.
Kurash xalqaro
Associaciyasi bugungi kunda sayyoramizning beshta qitasidagi 129 ta milliy
federaciyani birlashtirgan. 2017 yil 20 sentyabrda Ashxobod shahrida bo'lib
o'tgan Osiyo Olimpiya kengashining 36-Bosh Assambleyasida Kurash milliy sport
turi tarixda ilk bor XVIII yozgi Osiyo o'yinlari dasturiga rasman
kiritildi. Kurash xalqaro Associaciyasi va O'zbekiston Respublikasi kurashni
xalqaro sport musobaqalari va turnirlari dasturlariga, kelgusida esa
Olimpiya o'yinlari dasturiga ham kiritish bo'yicha faol tadbirlarni amalga
oshirmoqda. Haydar Farmon bilan tashkil etilgan uchrashuv chog'ida Kurash sport
turini butun dunyoda yanada rivojlantirish, kelajakda uni olimpiya oilasiga
kiritish xaqida fikr almashildi.
Jahon sportining tirik
afsonasi Sergey Bubka yaqin orada Toshkentga tashrif buyurishi, bundan 3 yil
avval o'zi birinchi g'ishtini qo'yib bergan poytaxtimizdagi zamonaviy engil
atletika majmuasi va sport bazasini shaxsan o'zi ko'zdan kechirish niyati
borligini izxor qildi.
SHuni takidlash lozimki,
Oybek Kasimovning CHexiyaga safari anchagina samarali bo'ldi. Yuqorida
keltirib o'tilgan uchrashuvlardan tashqari O'zbekiston Milliy olimpiya
qo'mitasi Bosh kotibi shuningdek, bir qator Milliy olimpiya qo'mitalari
Prezidentlari va Bosh kotiblari bilan ham suhbatlashdi. Jumladan Rossiya
Milliy olimpiya qo'mitasi Prezidenti Aleksandr Jukov, Qatar Milliy olimpiya
qo'mitasi Prezidenti shaxzoda Djoan bin Xamad bin Xalifa Al Tani,
Qozog'iston, Gruziya, Quvayt va Turkmaniston Milliy olimpiya qo'mitalari Bosh
kotiblari bilan muzokaralar olib bordi.
Pragadagi Milliy
olimpiya qo'mitalari Associaciyasining XXII Bosh Assambleyasi esa o'z ishini
yakunladi. Oldinda bizni qator nufuzli xalqaro musobaqalar kutib turibdi.
2018 yilning o'zida Indoneziyada XVIII yozgi Osiyo o'yinlari, Argentinada
III o'smirlar Olimpiya o'yinlari bo'lib o'tadi va ularda O'zbekiston terma
jamoasi ham katta delegaciya bilan ishtirok etadi.
Ushbu musobaqalar eng avvalo Tokio 2020 yozgi Olimpiya o'yinlari uchun tayyorgaralik vazifasini o'tab beradi. Ishonamizki, CHexiya poytaxtida jahon sportining eng nufuzli tashkilotlari, Xalqaro sport federaciya va Associaciyalari bilan o'rnatilgan hamkorlik rishtalari, olib borilgan muzokara va uchrashuvlar yurtimiz sportchilarining Olimp shohsupasiga ko'tarilishiga zamin yaratadi va bu borada albatta o'z samarasini beradi.
Havola :
Manba : olympic.uz
Fikrlar