Prezident Los-Anjeles Olimpiadasiga tayyorgarlikni hozirdan boshlash kerakligini takidladi

Davlatimiz rahbari uchrashuvda bir qator masalalarga to'xtalib o'tdi. Jumladan, Los-Anjeles Olimpiadasiga tayyorgarlikni boshlashni, yana bir necha yo'nalishlarda ham imkoniyatlarimiz ko'pligi aytildi.

Bu haqida Prezident matbuot kotibi SHerzod Asadov malum qildi.

Prezidentimiz Parijdagi natijalarni chuqur tahlil qilib, ulardan zarur xulosa va saboqlar chiqargan holda 2028 yili Los-Anjelesda bo'ladigan navbatdagi olimpiadaga tayyorgarlikni hozirdan boshlash kerakligini qayd etdi.

Masalan, Parij olimpiadasida 32 ta sport turi bo'yicha 329 ta medal uchun kurash olib borildi.

Suzish, suvga sakrash, sinxron suzish, suv polosi, engil atletika, eshkakli, baydarka va kanoeda suzish, velosport, o'q otish va kamondan otish, gimnastika bo'yicha bizda sport federaciyalari ham, musobaqalarga tayyorgarlik ko'rish uchun tegishli baza ham bor. Eng muhimi, bu borada iqtidorli sportchilar ham etarli ekani takidlandi. 

CHim ustida xokkey, basketbol, gandbol, regbi, suv polosi kabi jamoaviy sport turlari, yunon-rum kurashi, ot sporti, zamonaviy beshkurash, triatlon, qilichbozlik bo'yicha ham hali ishga solinmagan imkoniyatlarimiz juda ko'pligi qayd etildi.