04 noy 10:03
Yangiliklar

Tadbirlar

Qarshida 5000 nafar aholi Salomatlik sari 5000 qadam yurishdi

Bugun erta tongdan Qashqadaryo viloyati Qarshi shahrida joylashgan Mustaqillik shoh ko'chasida barcha sportsevar aholi Salomatlik sari 5000 qadam akciyasida ishtirok etish uchun jam bo'lishdi.

Viloyat hokimligi, viloyat jismoniy tarbiya va sport boshqarmasi hamda bir nechta mutasaddi tashkilotlar tashabbusi bilan tashkil etilgan mazkur akciyadan ko'zlangan asosiy maqsad aholi orasida ommaviy sportni keng rivojlantirish orqali sog'lom turmush tarzi targ'ib qilishdan iboratdir.

Qarshi shahridagi mahallalar aholisi, oliy talim muassasalari xodimlari, xalq talimi o'qituvchi va o'quvchilari, maktabgacha talim xodimlari va tarbiyalanuvchilari hamda turli korxona va tashkilotlarning xodimlaridan 5000 nafardan ortiq aholi vakillari mazkur tadbirda faol ishtirok etishdi.

Tadbirdan so'ng “Eng faol tashkilot«, »Eng yosh ishtirokchi«, »Eng nuroniy ishtirokchi” va «Eng faol targ'ibotchi» nominaciyalariga loyiq ko'rilgan xotin-qiz va erkak ishtirokchilar viloyat jismoniy tarbiya va sport boshqarmasi tomonidan munosib ravishda taqdirlanishdi.