Qashqadaryo: zamonaviy talablarga javob beradigan suv sport markazi haqida

Ushbu majmua qurilishi uchun 52 mlrd. so'm mablag' sarflangan bo'lib, suv sporti saroyi xalqaro talablarga mos ravishda, eng so'nggi rusumdagi suvni isitish-tozalash uskunalari bilan jihozlangan.

Qarshi shahridagi suv sporti saroyining o'ziga xos jihatlaridan biri, bu sport saroyida milliy mentalitetimizdan kelib chiqqan holda o'g'il bolalar va qizlar uchun alohida 2 ta suzish havzasi barpo etilgan.

Qashqadaryo viloyatining suzish bo'yicha terma jamoalari (o'smirlar, qizlar, yoshlar va kattalar) mazkur suv sporti saroyida mashg'ulotlarni olib borishadi.

Ushbu sport majmuasidan O'zbekiston chempionati hamda xalqaro sport musobaqalarini o'tkazish, jahon chempionatlari hamda Olimpiya o'yinlariga tayyorgarlik ko'rish maqsadida foydalaniladi.

Bu erda suzish bilan shug'ullanish uchun barcha sharoitlar yaratilgan bo'lib, zamonaviy fitnes (trenajyor) zali ham mavjud. Mazkur suv sporti saroyi bir kunda 240 nafar aholiga xizmat ko'rsatish imkoniyatiga ega.