Qatar ExxonMobil Open. Endi Marrey faoliyatida 71-bor ATR turniri finaliga chiqdi

ATR reytingida 70-o'rinni egallab turgan britaniyalik Endi Marrey Qatardagi turnirning 1/2 finalida jahonning 52-raketkasi chexiyalik Jiri Lexechkaga qarshi bahs olib bordi. 

2 soatu 31 daqiqa davom etgan uchrashuvda Marrey raqibini 6/0, 3/6, 7/6(6) hisobida mag'lub etib, turnir finaliga yo'l oldi. Ushbu bahs tennischilarning birinchi rasmiy uchrashuvi bo'ldi. 

Britaniyalik tennischi o'tgan yili iyun oyida SHtutgartdagi turnirdan keyin ilk bor ATR turniri finaliga chiqdi. Umuman olganda, bu Marrey uchun 71-final bo'ladi (46 ta chempionlik). Qatardagi turnir finalida Marrey jahonning 8-raketkasi rossiyalik Daniil Medvedevga qarshi bahs olib boradi.