Qatar "Masters". Bugun SHarofiddin, Diyorbek va Sardorga muxlislik qilamiz

Qatar poytaxti uch kun davomida mavsumning ilk musobaqasiga mezbonlik qiladi. Qatar "Masters" turniri nufuzi jihatidan jahon chempionatidan so'ng etirof etilishi bois, musobaqaga bo'lgan qiziqish juda ham yuqori. Har bir vazn toifasida dunyoning kuchli dzyudochilari musobaqa medallari hamda Tokio Olimpiadasi yo'lidagi muhim reyting ochkolari uchun tatamiga chiqadi. 

Bugun tatamiga chiquvchi dzyudochilarimiz:

-60 kg vazn toifasi (33 ishtirokchi)

Ikkinchi bosqich: Diyorbek O'razboev - Lenin Presiado (Ekvador)  

Ikkinchi bosqich: SHarofiddin Lutfullaev - Islam Yashuev (Rossiya)/Devid Pulkrabek (CHexiya)

-66 kg vazn toifasi (30 ishtirokchi)

Birinchi bosqich: Sardor Nurillaev - Villian Lima (Braziliya)

Malumot uchun, Qatar "Masters" turniri g'olibi oltin medal, pul mukofoti bilan birga qimmatli 1800 reyting ochkosini ham qo'lga kiritadi. Taqqoslash uchun, Jahon chempionatida chempionga 2000 reyting ochko beriladi. "Masters"da kumush medal sohibi 1260, bronza medali egalari 900 reyting ochkosini o'z hisoblariga qo'shib qo'yishadi. Kuchli beshlikdan joy olgan dzyudochilar 648, 7-o'rinni band etganlar esa 468 ochkoga ega bo'lishadi.