Qoraqalpog'iston Respublikasida velosiped sporti federaciyasiga yangi rais saylandi

Tashrif doirasida Nukus shahridagi Yoshlar markazida Respublikada velosiped sporti rivojini yangi bosqichga olib chiqish masalalariga bag'ishlangan yig'ilish bo'lib o'tdi. Unda QR jismoniy tarbiya va sport ishlari vaziri Qayratbay Bayniyazov, QR Vazirlar Kengashi raisining birinchi o'rinbosari Nurullan Erlepesov, O'zbekiston velosiped sporti federaciyasi bosh kotibi Kozim O'rinboyxo'jaev, federaciya maslahatchisi Farruh Xudoyqulov, MOQning QRdagi vakili Sansizbay Saparniyazov, Respublika sportchi va murabbiylari ishtirok etishdi.

Yig'ilish kun tartibidan Qoraqalpog'iston Respublikasi velosiped sporti federaciyasiga rais, rahbariyat tarkibi, shuningdek, jamoa bosh murabbiyini saylash kabi masalalar o'rin o'rin oldi. Yakunda QR Vazirlar Kengashi raisining birinchi o'rinbosari Nurullan Erlepesov Respublika velosiped sporti federaciyasi raisi lavozimiga saylangan bo'lsa, Ernazar Xojanazarov Ijrochi direktor sifatida faoliyat olib boradigan bo'ldi. SHuningdek, jamoa bosh murabbiyligi Fazil Arislanbaevga topshirildi.

Yig'ilish davomida QRda velosiped sportini rivojlantirish, ushbu hudud sportchilarining shug'ullanishlari uchun barcha shart-sharoitlarni yaratish, moddiy-texnik bazani yaxshilash, yosh sportchilar orasida selekcion musobaqalar o'tkazish orqali ularni Xanchjou-2022 Osiyo o'yinlari va Parij-2024 Olimpiya o'yinlari saralashiga jalb qilish, Toshkent-2025 yoshlar Osiyo o'yinlari uchun iqtidorli sportchilarni tanlab olish, kabi masalalar atroflicha muhokama qilindi.