Qozog'iston terma jamoasining Tokio-2020 Olimpiadasi uchun ekipirovkasi taqdim etildi FOTOREPORTAJ

Qozog'istonlik olimpiyachilar Olimpiya o'yinlariga mahalliy hamda xorijiy ishlab chiqaruvchilar tomonidan taqdim etilgan liboslarda yo'l olishadi. Yon qo'shnilarimizning Tokio-2020 Olimpiadasi ochilish marosimi uchun maxsus liboslar to'plami dizayneri Salta brendi asoschisi Saltanat Baymuhammedova hisoblanadi. Atletlarning Olimpiada uchun to'liq sport liboslari to'plamini esa Ispaniyaning Joma kompaniyasi taqdim etgan.

Etiborga molik jihati shundaki, Tokio Olimpiadasi uchun ekipirovkalar dizaynini tanlash sportchilarning o'zariga qo'yib berildi. Ular yanvar oyidan to shu kungacha libos materiali, undagi elementlar qanday bo'lishini o'zaro muhokama qilib, yakunda bir qarorga kelishdi. 

Malumot uchun, Joma brendi 55 yildan beri sport olamida faoliyat yuritib kelyapti va ayni paytda dunyoning 120 davlatiga o'z mahsulotlarini etkazib beradi. 

Qozog'iston terma jamoasi delegaciyasi 16 iyul kuni Tokioga jo'nab ketadi. Sportchilar Olimpiada bazasidan ikki haftalik karantinni o'tkazishadi.