Qozog'istonlik tennischi Birmingemda bosh sovringa ega chiqdi

Dunyoning 41-raketkasi bo'lib kelgan qozog'istonlik tennischi final bahsida WTA reytingida 190-pog'onadan joy olgan avstraliyalik Ayla Tomlyanovichdan 6/1, 7/6(8) hisobida ustun keldi. Yuliya tennischilarning o'zaro uchrashuvlarida katta farq bilan oldinda bormoqda - 5:1. 

Bir soatu 29 daqiqa davom etgan bahsda ikkala tennischi ham 4 tadan eys zarbasini amalga oshirgan. Qo'shxatolar Yashil qita vakilasida ancha ko'proq bo'ldi - 6 ga 1. Breyklar bo'yicha ustunlik Putinceva foydasiga 5 ga 2. Birmingemdagi bir haftalik mehnat Putincevaga 35 250 dollar mukofot puli hamda 250 reyting ochkosi keltirdi.