Adelaide International turnirida finalchilar malum

Dunyoning ettinchi raketkasi Jessika Pegula musobaqaning bosh sovrini uchun kortga chiqadigan bo'ldi. Amerikalik tennis malikasi Adelaide International 1/2 finalida WTA reytingining 25-pog'onasida borayotgan qozog'istonlik Yuliya Putincevani mag'lubiyatga uchratdi - 7/6(4), 6/3.

Jessika tennischilarning o'zaro uchrashuvlarida mutlaq ustunlik bilan oldinda bormoqda - 3:0. To'qson daqiqa davom etgan bahsda Pegula 4, Putinceva 1 ta eys zarbasini amalga oshirgan. Ikkala tennischi ham bir xilda - 4 tadan qo'shxatoga yo'l qo'yishdi. Bugun Pegula musobaqa bosh sovrini uchun vatandoshi Medison Kizga qarshi kortga chiqadi.