Ramzan Qodirovning O'zbekistonga tashrifi. Birinchi kun qanday o'tdi?

U tashrifi davomida SHayx Muhammad Sodiq Muhammad Yusuf qabrini ziyorat qildi.



So'ngra u Toshkent Islom instituti talabalari bilan uchrashdi. Institut rektori mehmonlarga talim muassasasi faoliyati haqida gapirib berdi. Nufuzli mehmon institutning bino, masjid xonaqohi va ARMlarini ko'rdi. Mehmonlar kitobiga o'z yozuvlarini qoldirdi. Uchrashuv so'nggida mehmonlar va yig'ilganlar esdalik uchun suratga tushishdi.



Keyin esa u mamlakatimiz rahbari SHavkat Mirziyoev qabulida bo'ldi. Suhbat chog'ida O'zbekiston va CHecheniston o'rtasidagi ikki tomonlama hamkorlikni yanada rivojlantirish istiqbollari muhokama qilindi. O'zaro savdo hajmi va nomenklaturasini kengaytirish, iqtisodiy, madaniy-gumanitar sohalarda qo'shma dastur va loyihalarni amalga oshirish masalalariga alohida etibor qaratildi.

O'z o'rnida u mazkur tashrifni tashkil etgani uchun SHavkat Mirziyoevga minnatdorchilik bildirdi.



O'zbekistonda amaliy tashrif bilan bo'lib turgan CHecheniston rahbari Ramzan Qodirov Samarqand va Buxoroda ham bo'lishi kutilmoqda.

Daryo.uz sayti malumotlari asosida tayyorlandi