Ravshan Ermatov: "Muxlislar Markaziy Osiyoning shiddatli derbilarini sog'inib qolishgan"

O'FA Birinchi vice-prezidenti Ravshan Ermatov musobaqada qo'shni mamlakatlar jamoalari ishtirok etishi Liga kubogining nufuzi va tomoshabopligini oshirishga ham xizmat qilishini aytib o'tdi:

– O'zbekiston Liga kubogi bahslarida Qirg'iziston hamda Tojikistonning etakchi klublari qatnashishi mazkur musobaqaga bo'lgan etibor va qiziqishning ortishiga sabab bo'ladi. Endilikda mazkur turnir uchrashuvlarini nafaqat O'zbekistonda, balki qo'shni davlatlarda ham kuzatib borishadi. Qolaversa, o'zaro qardosh bo'lgan mamlakatlar o'rtasidagi aloqalar futbol orqali yanada mustahkamlanadi. Katta yoshdagi muxlislar Markaziy Osiyo jamoalarining derbilariga ko'p bora guvoh bo'lishgan. Ular mintaqamiz klublarining o'zaro shiddatli to'qnashuvlarini sog'inishgani tayin. SHu boisdan ham Liga Kubogi bellashuvlariga qo'shni mamlakatlar jamoalarini ham taklif etdik va ular bu taklifni qabul qilishganidan juda ham mamnunmiz. Endilikda muxlislar o'z sevimli jamoalarining Tojikiston yoki Qirg'iziston etakchi klubiga qarshi o'yinini kuzatish uchun qo'shni mamlakatlarga ham borishlari mumkin bo'ladi. Kelasi mavsumlarda mintaqamizning boshqa mamlakatlari jamoalari ham musobaqada ishtirok etishlari kutilmoqda, – deya takidladi O'FA Birinchi vice-prezidenti.