Ravshan Ermatov O'FAda qoldimi? Bu haqida rasmiy malumot berildi

Unda O'zbekiston Respublikasi Prezidentining maslahatchisi Abdujabbor Abdusattorovich Abduvohidov, O'zbekiston Respublikasi Bosh vazirining o'rinbosari Aziz Abduqahhorovich Abduhakimov, Jismoniy tarbiya va sport vazirligi hamda O'zbekiston Milliy Olimpiya qo'mitasi rahbariyati va xodimlari ishtirok etishdi. 

Yig'ilishga raislik qilgan O'zbekiston Respublikasi Prezidentining maslahatchisi A.Abduvohidov so'nggi yillarda yurtimizda jismoniy tarbiya va sportni ommalashtirishga qaratilgan keng islohotlar amalga oshirilayotganini alohida takidladi. SHu bilan birga mazkur soha taraqqiyotini yangi bosqichga olib chiqish, ayniqsa aholining salomatligini mustahkamlashda ommaviy sport targ'ibotini yanada kuchaytirish zarurligiga urg'u qaratildi. Ushbu vazifalarni amalga oshirish maqsadida vazirlik rahbariyatida tashkiliy o'zgarishlar yuz berganligi malum qilindi.

O'zbekiston Respublikasi Prezidentining maxsus qarori bilan Irmatov Ravshan Sayfiddinovich jismoniy tarbiya va sport vazirining birinchi o'rinbosari, SHukurov Elbek Habibullaevich esa jismoniy tarbiya va sport vazirining o'rinbosari etib tayinlandi.

Ravshan Irmatov – 1977 yil 9 avgustda Toshkent shahrida tug'ilgan. 1995-1999 yillarda O'zbekiston davlat jismoniy tarbiya instituti (hozirgi O'zbekiston davlat jismoniy tarbiya va sport universiteti)da tahsil olgan. R.Irmatov o'zining mehnat faoliyatini Respublika oliy sport futbol maktabida murabbiy sifatida boshlab, keyinchalik “CHig'atoy” futbol oliy sport mahorati maktabi murabbiyi, O'zbekiston futbol federaciyasi xalqaro markazi murabbiyi, 2004-2010 yillarda esa futbol bo'yicha Respublika oliy sport mahorati maktabi murabbiyi, 2010 yildan O'zbekiston davlat jismoniy tarbiya va sport universiteti “Futbol nazariyasi va uslubiyati” kafedrasi katta o'qituvchisi, 2019 yildan hozirga qadar O'zbekiston futbol associaciyasi birinchi vice-prezidenti lavozimlarida ishlagan. 

Ravshan Sayfiddinovichning mamlakat futboli rivoji yo'lidagi ulkan xizmatlari hukumatimiz tomonidan munosib etirof etilgan holda 2010 yilda “O'zbekiston iftixori” faxriy unvoni, 2014 yilda “El-yurt hurmati” ordeni, 2015 yilda esa “Buyuk xizmatlari uchun” ordenlari bilan taqdirlangan.

Takidlash joiz, Ravshan Irmatov bir vaqtning o'zida O'zbekiston futbol associaciyasi birinchi vice-prezidenti sifatida faoliyat olib boradi.

Elbek SHukurov – 1988 yil 18 martda Toshkent shahrida tug'ilgan. 2005-2009 yillarda Toshkent davlat agrar universitetida tahsil olgan. Mehnat faoliyatini 2009 yil “Kamolot” yoshlar ijtimoiy harakati Markaziy Kengashi Xalqaro munosabatlar, sport va yoshlarni harbiy vatanparvarlik ruhida tarbiyalash bo'limi bosh mutaxassisi sifatida boshlagan. So'ngra “Kamolot” yoshlar ijtimoiy harakati Markaziy Kengashi Xalqaro aloqalar bo'limi mudiri, “Kamolot” yoshlar ijtimoiy harakati Toshkent shahar Kengashi raisi o'rinbosari, keyinchalik raisi, 2015-2018 yillarda O'zbekiston Respublikasi Oliy Majlisi Qonunchilik palatasi Byudjet va iqtisodiy islohotlar qo'mitasining azosi, 2018 yildan hozirga qadar Toshkent shahar hokimining yoshlar siyosati, ijtimoiy rivojlantirish va manaviy-marifiy ishlar bo'yicha o'rinbosari lavozimida faoliyat olib borgan.

E.SHukurovning mamlakat ijtimoiy-iqtisodiy taraqqiyoti yo'lidagi xizmatlari hukumatimizning yuksak etirofiga sazovor bo'lib, 2017 yilda “Do'stlik” ordeni bilan mukofotlangan.

O'zbekiston Respublikasi Jismoniy tarbiya va sport vazirligi jamoasi R.Irmatov hamda E.SHukurovlarni masuliyatli lavozimlarga tayinlanganligi bilan muborakbod etadi. SHuningdek, vazirlikda samarali faoliyat olib borgan vazirning birinchi o'rinbosari Oybek Kasimov hamda vazir o'rinbosari SHarif Mo'minjonovlarga kelgusi faoliyatlarida omad va muvaffaqiyatlar tilaydi.

Jismoniy tarbiya va sport vazirligi Matbuot xizmati