"Real" Vinisiusga nisbatan irqchilik haqoratlari ishi bo'yicha UEFAga dalillarni topshirdi

Hodisa 17 fevral kuni Lissabonda CHempionlar Ligasidagi ilk pley-off o'yinida "Benfika"ga qarshi bahs (1:0) vaqtida sodir bo'ldi.

Klub xabarida takidlanishicha, UEFAga Portugaliya poytaxtidagi stadionda bo'lib o'tgan voqea bilan bog'liq barcha mavjud materiallar va dalillar allaqachon taqdim etilgan. "Real" Evropa futbol tashkiloti bilan boshlangan tergov doirasida faol hamkorlik qilayotganini bildirgan.

SHuningdek, bayonotda futbol jamoatchiligiga Vinisiusni qo'llab-quvvatlagani uchun alohida minnatdorlik bildirgan. Klub butun dunyo bo'ylab futbolchilar, jamoalar va muxlislar tomonidan ko'rsatilgan hamjihatlikni qadrlashini takidlagan.

Madridliklar sportda ham, sportdan tashqarida ham irqchilik, zo'ravonlik va nafratga qarshi kurashish uchun tegishli institutlar bilan hamkorlikni davom ettirish niyati borligini ham tasdiqlagan.

UEFA taqdim etilgan materiallarni o'rganib, reglamentda belgilangan tartibda tergov yakunlariga ko'ra qaror qabul qiladi.