12 may 11:29
Yangiliklar

Tennis

Rim "Masters". Amaldagi chempion qiyin g'alaba bilan boshladi

Italiyaning Rim shahrida o'tkazilayotgan "Masters" seriyasiga kiruvchi turnirning amaldagi g'olibi Daniil Medvedev chempionlik himoyasini boshladi.

Dunyoning to'rtinchi raketkasi ikkinchi davradan bahslarga qo'shildi. Rossiyalik tennischi ATP reytingida 40-pog'onada borayotgan britaniyalik Jek Dreyperni biroz qiyinchilik bilan mag'lubiyatga uchratdi - 7/5, 6/4.

Bu tennischilarning o'zaro o'tkazgan ilk uchrashuvi edi. Bir soatu 46 daqiqa davom etgan bahsda Medvedev 3, Dreyper 2 ta eys zarbasini amalga oshirgan. Qo'shxatolar buning aksi bo'lsa - 2 ga 3, Jek "foydasiga". Daniil 5, Dreyper 3 ta breykka erishgan.

Endi Daniil Medvedev Internazionali BNL d'Italia turnirining uchinchi bosqichida Xamad Mejedovichga qarshi kortga chiqadi. Serbiyalik tennischi ikkinchi davrada ispaniyalik Alexandro Davidovich-Fokinani 7/6(4), 6/4 hisobida taslim etdi.