Rim "Masters". Grunt qiroli ikkinchi uchrashuvini o'tkazdi

Dunyoning ikkinchi raketkasi Rafael Nadal 1/8 final uchrashuvida reytingning 25-pog'onasidan joy olgan serbiyalik Dushan Layovichga qarshi kortga chiqib, raqibiga imkoniyat qoldirmadi - 6/1, 6/3.

Roppa-rosa 90 daqiqa davom etgan bahsda ispaniyalik 34 yoshli grunt qiroli 2 ta, 30 yoshli Dushan esa bitta eys zarbani amalga oshirdi. O'zaro uchrashuvlarda Nadal hisobni yiriklashtirdi - 3:0. Rafa Internazionali BNL d'Italia turnirining chorak finalida argentinalik Diego SHvarcmanga qarshi kortga chiqadi.