21 may 08:28
Yangiliklar

Tennis

Rim “Masters”. Nadal faoliyatidagi 78-sovrinini qo'lga kiritdi

Italiyaning Rim shahrida o'tkazilgan “Masters” seriyasiga kiruvchi nufuzli turnir yakunlandi.

Hal qiluvchi uchrashuvda finalga qadar dunyoning ikkinchi raketkasi bo'lib turgan ispaniyalik Rafael Nadal ATP reytingida uchinchi pog'onadan joy olib turgan germaniyalik Aleksandr Zverevga qarshi kortga chiqdi. Ikki soatu 9 daqiqa davom etgan uchrashuvda Nadal 6:1, 1:6, 6:3 hisobida zafar quchdi.

SHu tariqa, Rafael Nadal faoliyatidagi 78-sovrinini qo'lga kiritdi. Rimdagi muvaffaqiyatli ishtirok ispaniyalik yulduzga 935 385 evro mukofot puli hamda 1000 reyting ochkosini keltirdi. Nadal va Zverev o'rtasidagi o'zaro uchrashuvlar hisobi 5:0ga etdi.