04 iyu 15:25
Yangiliklar

Tennis

"Rolan Garros". 17 yoshli Mirra Andreeva 1/4 finalda

WTA reytingida 38-o'rinni egallab turgan rossiyalik Mirra Andreeva "Katta Dubulg'a" turkumiga kiruvchi "Rolan Garros" turnirining 1/4 final ishtirokchisiga aylandi.

Rossiyalik iqtidor egasi 1/8 finalda reytingning 88-pog'onasidan joy olgan franciyalik Varvara Grachyovadan ustun keldi - 7/5, 6/2. Bu tennischilarning o'zaro o'tkazgan ilk uchrashuvi edi.

To'qson ikki daqiqalik bahsda Andreeva 5 ta eys, 5 ta breykka erishib, 3 ta qo'shxatoga yo'l qo'ydi. Endi Andreeva "Rolan Garros" 1/2 final chiptasi uchun dunyoning ikkinchi raketkasi, belaruslik Arina Sobolenkoga qarshi kortga chiqadi.