07 iyu 09:02
Yangiliklar

Tennis

"Rolan Garros". Amaldagi chempion finalda!

Franciya poytaxti Parij shahrida o'tkazilayotgan tennis bo'yicha "Katta Dubulg'a" turkumiga kiruvchi "Rolan Garros" turnirining ayollar o'rtasidagi bahslarida ilk finalchi malum bo'ldi.

Sayyoramizning birinchi raqamli tennis malikasi Iga Svyontek Franciya Ochiq chempionatining 1/2 finalida dunyoning uchinchi raketkasi, amerikalik Koko Goffni 6/2, 6/4 hisobida mag'lubiyatga uchratdi. Tennischilarning o'zaro uchrashuvlarida Iga katta farq bilan oldinda bormoqda - 11:1.

To'qson sakkiz daqiqa davom etgan bahsda Svyontek "Rolan Garros" turnirining amaldagi chempioni eys zarba ijro eta olmadi. Bu borada Goff uch bor aniq harakat qildi. Qo'shxatolar bo'yicha 0 ga 4 hisobi Kori "foydasiga" hal bo'ldi. Breyklar bo'yicha ustunlik chempion tomonda - 4 ga 1! Svyontek qatorasiga uchinchi yil ham "Rolan Garros" finalida o'ynaydi.