"Rolan Garros". Arina Sobolenkoda muvaffaqiyatli start

Sayyoramizning ettinchi raqamli tennis malikasi Arina Sobolenko Franciya Ochiq chempionatini g'alaba bilan boshlab oldi. Belaruslik tennis malikasi ilk davrada WTA reytingida 101-pog'onadan joy olgan franciyalik Xloe Pakeni uch set natijasiga ko'ra mag'lub etdi - 2/6, 6/3, 6/4.

Bir daqiqasi kam ikki soat davom etgan bahsda 23 yoshli Arina 3 ta eys, 4 ta breykni amalgan oshirgani holda 9 bor qo'shxatoga yo'l qo'ydi. 27 yoshli Xloeda bu ko'rsatkich 3 ta eys, 4 ta breyk va 4 ta qo'shxatoni tashkil etdi. Bu tennischilarning o'zaro o'tkazgan ilk uchrashuvi edi. 

Endi Sobolenko ikkinchi davrada Medison Brenglga qarshi kortga chiqadi. Amerikalik bu tennischi birinchi bosqichda ruminiyalik Mixaela Buzarneskudan 6/1, 6/2 hisobida ustun keldi.