"Rolan Garros". Ayollar o'rtasidagi juftlik turnirida chempionlar aniqlandi

Ayollar o'rtasidagi juftlik bahslarida g'oliblar aniqlandi. Musobaqa bosh sovrini amerikalik Koko Goff va chexiyalik Katerjina Sinyakovaga nasib etdi. Ular hal qiluvchi final uchrashuvida italiyalik tennis malikalari Sara Errani va Jasmine Paolini hamkorligini mag'lub etishdi - 7/6(5), 6/3.

110 daqiqalik uchrashuv statistikasi:

Goff/Sinyakova - 2 ta eys, 3 ta qo'shxato, 5 ta breyk 

Errani/Paolini - eys yo'q, 1 ta qo'shxato, 4 ta breyk 

Franciya Ochiq chempionatidagi muvaffaqiyatli ishtirok Goff va Sinyakovaga 2000 reyting ochkosi hamda 590,000 evro mukofot puli keltirdi. Bu Goff uchun "Katta Dubulg'a" turkumidagi birinchi sovrin bo'ldi. SHu kungacha u US Open-2021 va "Rolan Garros"-2022 finallarida o'ynagan edi.

Sinyakova esa bu borada ancha tajribali va omadli hisoblanadi. U sakkizinchi "Katta Dubulg'a" chempionligini qo'lga kiritdi. Faoliyatidagi umumiy sovrinlari esa 24 taga etdi. Bungacha u vatandoshi Barbora Kreychikova bilan birga US Open hamda ikki marotabadan "Rolan Garros", Uimbldon va Australian Open turnirlarida bosh sovrin sohibasiga aylangan edi.