"Rolan Garros". Dunyoning birinchi raketkasi raqibiga uchtagina geym berdi

Dunyoning birinchi raketkasi Yannik Sinner uchinchi davrada ATP reytingida 34-o'rinda borayotgan chexiyalik Irji Lexechkaga hech qanday imkoniyat qoldirmadi - 6/0, 6/1, 6/2. Tennischilarning o'zaro uchrashuvlaridagi hisob yanada yiriklashdi - 4:0. 

To'qson besh daqiqa davom etgan bahsda ikkala raketka ustasi ham 3 tadan eys zarbasini amalga oshirgan. Sinner qo'shxatoga yo'l qo'ymadi. Breyklar bo'yicha mutlaq ustunlik ham tabiiiyki, u tomonida bo'ldi - 7 ga 0! Endi italiyalik tennischi 1/8 finalda rossiyalik Andrey Rublyovga qarshi kortga chiqadi.