"Rolan Garros". Iga Svyontek raqibasini "sochib" tashladi

Polshalik tennis malikasi Franciya Ochiq chempionatining to'rtinchi davrasida WTA reytingida 41-o'rinni egallab turgan rossiyalik Anastasiya Potapovani "suxoy" hisobda mag'lubiyatga uchratdi - 6/0, 6/0. Uchrashuv bor yo'g'i 40 daqiqa davom etgan. Bu tennischilarning o'zaro o'tkazgan ilk uchrashuvi edi. 

Iga Svyontek 3 ta eys, 6 ta breykni amalga oshirdi, qo'shxatoga yo'l qo'ymadi. Potapova faoliyatida ilk bor 0/6, 0/6 hisobida yutqazdi. Svyontek esa beshinchi marotaba raqibalariga bitta ham geymni yutib olish imkonini bermay g'alaba qozondi. Endi "Rolan Garros" turnirining amaldagi chempioni 1/4 finalda chexiyalik Marketa Vondroushovaga qarshi kortga chiqadi.