"Rolan Garros". Novak Jokovich ikkinchi davrada kortga chiqdi

Serbiyalik tennis yulduzi ATP reytingida 38-o'rinni egallab turgan slovakiyalik Aleks Molchanga qarshi bahs olib bordi va 6/2, 6/3, 7/6(4) hisobida g'alaba qozondi.

Ikki soatu 18 daqiqa davom etgan bahsda 35 yoshli Novak 4 ta breyk va 10 ta eys zarbasini amalga oshirib, bitta ham qo'shxatoga yo'l qo'ymadi. 24 yoshli Aleks esa 1 ta breyk-poynt, 4 ta eys va 2 ta qo'shxato qayd etdi. 

Tennischilarning o'zaro ikkinchi uchrashuvida ham serb g'alaba qozondi. Endi u 1/16 finalda sloveniyalik Alyaj Bedenega qarshi kortga chiqadi. Bedene o'z o'rnida urugvaylik Pablo Kuevasdan ustun keldi - 4/6, 6/4, 7/6(5), 6/4.