29 may 08:03
Yangiliklar

Tennis

"Rolan Garros". Sobolenko Kamilaga yutqazib qo'ydi

Sayyoramizning ettinchi raqamli tennis malikasi Arina Sobolenko "Rolan Garros" turnirining uchinchi davrasida mag'lubiyatga uchradi.

Belaruslik tennischi WTA reytingida roppa-rosa 30-o'rinda borayotgan italiyalik Kamila Jorjiga 6/4, 1/6, 0/6 hisobida imkoniyatni boy berib, Franciya Ochiq chempionatidagi ishtirokini to'xtatdi.

Tennischilar kortda 102 daqiqa harakat qilishgan. Bu vaqt oralig'ida 24 yoshli Arina 3 ta, 30 yoshli Kamila esa 2 ta eys zarbasini ijro etgan. Italiyalik tennischi o'zaro uchrashuvlarda hisobda oldinga chiqib oldi - 2:1.