Roland Garros. Jokovich uchinchi uchrashuvini o'tkazdi

Dunyoning birinchi raketkasi Novak Jokovich musobaqaning uchinchi davrasida kolumbiyalik Daniel Elaxi Galanaga qarshi kortga chiqdi va 2 soatu 7 daqiqa davom etgan bahs yakunida oson g'alabaga erishdi - 6/0, 6/3, 6/2.

Serbiyalik 33 yoshli Novak 2 ta, reytingning 153-pog'onasidan joy olgan 24 yashar Daniel esa 4 ta eys zarbasini amalga oshirdi. Bu tennischilarning o'zaro o'tkazgan ilk uchrashuvi edi. Endi Jokovich 1/8 finalda rossiyalik Karen Xachanovga qarshi kortga chiqadi.