06 okt 13:26
Yangiliklar

Qishki sport turlari

Rossiyalik figurali uchuvchilar Toshkentda shug'ullanishmoqda. Ular O'zbekiston orqali AQSHga viza olishadi + FOTO

Rossiyalik figurali uchuvchilar shu kunlarda Toshkent shahrida bo'lib turishibdi.

Ular 22-24 oktyabr kunlari Las-Vegas shahrida o'tkaziladigan Skate America musobaqasida ishtirok etishadi. Ular ayni paytda Toshkent shahrida mashg'ulotlar o'tkazishmoqda. Sportchilarning bir nechasi AQSHning O'zbekistondagi elchixonasi orqali viza olishni rejalashtirishgan.

Rossiyalik sobiq figurali uchuvchi Maksim Trankov Instagramdagi sahifasiga palov istemol qilayotgan suratni joylashtirgan va quyidagicha izoh qoldirgan:

"Toshkentda bo'lib, haqiqiy o'zbekona oshni emaslik - jinoyat. Xattoki sen vegeterian bo'lsang ham", - deb yozgan sportchi.