10 fev 15:03
Yangiliklar

Og'ir atletika

Ruslan Nurudinov va SHarofiddin Amriddinov siltab ko'tarish bahslarini ham yakunladi. Hamyurtlarimiz Osiyo chempionatini qanday natija bilan tugatdi?

Toshkentda davom etayotgan og'ir atletika bo'yicha kattalar o'rtasidagi Osiyo chempionatida -109 kg vaznda siltab ko'tarish bellashuvlari yakunlandi.

Unda O'zbekiston terma jamoasining ikki nafar vakili - Ruslan Nurudinov va SHarofiddin Amriddinov ishtirok etdi.

Siltab ko'tarish natijalarga ko'ra, Nurudinov 207 kg tosh ko'tarib, oltin medalni qo'lga kiritdi. 205 kg natija qayd etgan Amriddinov esa ikkinchi bo'ldi.

Ruslan Nurudinov ikki kurash yakuniga ko'ra ham tengsiz bo'ldi. Uning umumiy ko'rsatkichi 382 kgni tashkil etdi. Amriddinovda esa bu ko'rsatkich 381 kgni qayd etdi.

Avvalroq, Amriddinov dast ko'tarish bahslarida oltin, Nurudinov esa kumush medalni qo'lga kiritgan edi.

SHu tariqa, Ruslan Nurudinov Osiyo chempionatini 2 ta oltin va 1 ta kumush, SHarofiddin Amriddinov esa 1 ta oltin hamda 2 ta kumush medal bilan yakunladi.