Samarqandda Salomatlik yo'laklarini qurish ishlari jadal ketmoqda

2020 yil 30 oktyabrdagi «Sog'lom turmush tarzini keng tatbiq etish va ommaviy sportni yanada rivojlantirish chora-tadbirlari to'g'risida»gi Prezident Farmonida har bir tuman markazi va shaharlarda piyoda va velosipedda yurish uchun «Salomatlik yo'laklari» tashkil etilishi, bunda, piyodalar va velosiped yo'laklarining umumiy uzunligi 3-5 kilometrni tashkil etishi hamda o'zaro uzviy bog'liq bo'lishi, zamonaviy, energotejamkor (harakat sensorlari bilan jihozlangan) yoritish tizimlari va yorug'lik qaytaruvchi, yo'laklarning boshlanishi, oralig'i va yakunini ko'rsatuvchi yo'l belgilari bilan to'liq taminlanishi, piyodalar va velosiped yo'laklarini barpo etishda alohida harakatlanish imkoniyatlari yaratilishi hamda nogironligi bo'lgan shaxslar uchun «to'siqsiz muhit» tashkil etilishi ko'zda tutilgan.

Mazkur Farmonning ijrosini taminlash maqsadida shu kunlarda Samarqand shahrining «Qorasuv» massivida piyodalar va velosipedda harakatlanish uchun maxsus yo'laklar, yani «Salomatlik yo'laklari»ni barpo etish ishlari jadal olib borilmoqda.

Eslatib o'tamiz, Farmonda bunday yo'laklar 2021 yilning 1 mayiga qadar qurib bitkazilishi belgilangan.