24 apr 12:16
Yangiliklar

Tennis

Serbia Open. Xachanov - Jokovich bahsi g'olibi uch setda aniqlandi

Serbiyaning Belgrad shahrida o'tkazilayotgan tennnis bo'yicha ATP turnirida finalchilar nomi malum bo'ldi.

ATP reytingida 26-pog'onadan joy olgan rossiyanlik Karen Xachanov yarim final uchrashuvida dunyoning birinchi raketkasi Novak Jokovichga 6/4, 1/6, 2/6 hisobida imkoniyatni boy berdi.

Mezbonlar vakili roppa-rosa 2 soat davom etgan bahsda 6 ta eys, 4 ta breykni amalga oshirdi, qo'shxatoga yo'l qo'ymadi. 25 yoshli Xachanov esa bor yo'g'i bitta eys zarbani ijro etdi. Tennischilarning o'zaro uchrashuvlarida 34 yoshli Jokovich katta farq bilan oldinda bormoqda - 8:1.

Bugun Novak Jokovich o'z vatandoshlari ko'z o'ngida Serbia Open turniri bosh sovrini uchun rossiyalik Andrey Rublyovga qarshi kortga chiqadi.