Serbiyalik model: Jokovichni yo'ldan ozdirish uchun menga 60 ming evro taklif qilishgandi

"Men Londonda edim va bir yigit menga murojaat qildi. Bu yigitni taniqli menejer deb bilardim. U uchrashuv tayinladi va men buni model biznesi bo'yicha deb o'yladim. Tez orada adashganimni angladim.

U menga: "Novakni yo'ldan ozdirib, uni suratga olish kerak", - dedi. Men darhol bu hazil, qaerdadir yashirin kamera bor deb o'yladim.

Menejer 60 ming evro va dunyoning istalgan nuqtasiga sayohat qilishimni aytdi. Men kulib qo'ydim: "Bu hazilmi?". Yigit kulmadi va u juda jiddiy edi.

SHundan so'ng men o'zimni xo'rlangandek his qildim. Ular modellar haqida har xil gaplarni aytishadi, lekin men to'g'ri ishlashni xohlaydigan halol odamman. Menga pul uchun shu ishni qilishni taklif qilyapsizmi? - dedim. Men bu menejerga tarsaki tushirmoqchi edim, lekin biz jamoat joyida edik.

Men o'rnimdan turib ketdim. Umid qilamanki, bu taklifga boshqa hech kim rozi bo'lmadi. Jokovich mukammal, u oilaparvar sportchi sifatida namunadir", - deya SHekichning so'zlarini keltiradi Svet-Scandal.