Sergey Fomin Aktobe turnirining final ostonasida to'xtatildi

Mukofot jamg'armasi 15 000 AQSH dollarini tashkil etuvchi ushbu musobaqada hamyurtimiz Sergey Fomin ham o'z imkoniyatini sinab ko'rdi. Mamlakatimizning ikkinchi raketkasi 1/4 finalda musobaqaning birinchi raketkasi, rossiyalik Evgeniy Filippovni 7/6(1), 6/3 hisobida mag'lubiyatga uchratgandi. 

Afsuski, u biroz avval yakuniga etgan 1/2 final uchrashuvida turnirning to'rtinchi raketkasi, rossiyalik Egor Agafonovga 1/6, 4/6 hisobida yutqazib, musobaqadagi ishtirokini yakunladi. Oltmish sakkiz daqiqa davom etgan bahsda Fomin 5, Agafonov 3 ta eys zarbasini amalga oshirgan. Ikkala tennischi ham bittadan qo'shxatoga yo'l qo'ydi.  

Taqqoslash uchun, turnirda sakkizinchi raqam ostida tasniflangan Fomin ATP reytingida 674, Egor Agafonov esa 582-o'rinni egallab turibdi.