Sergey Fomin deyarli uch soatga yaqin dramatik uchrashuv o'tkazdi

Ushbu musobaqada mamlakatimizning ikkinchi raketkasi Sergey Fomin ham o'z mahoratini namoyish etyapti. Hamyurtimiz hozirgina yakuniga etgan 1/8 final uchrashuvida qiyin g'alabaga erishdi. U 2 soatu 50 daqiqa davom etgan bahsda Bekxan Altangerievni qiyinchilik bilan mag'lub etdi - 7/5, 4/6, 6/4. 

Taqqoslash uchun, SHimkent turnirining birinchi raketkasi bo'lgan Fomin hozirda ATP reytingida 461, bugun jiddiy qarshilik ko'rsatgan 24 yashar Bekxan 994-o'rinni egallab turibdi. Sergey bugungi g'alabasi orqali yana bir hamyurtimiz Maksim SHin uchun ham "o'ch" oldi. Altangeriev kecha 1/16 finalda aynan SHindan uch set natijasiga ko'ra ustun kelgan edi.