15 fev 10:10
Yangiliklar

Tennis

Sergey Fominda irodali g'alaba

Teglar : Sergey Fomin

Xabar berganimizdek, Portugaliyaning Vila-Real-di-Santu-Antoniu shahrida tennis bo'yicha M25 toifasiga kiruvchi ITF turniri bo'lib o'tmoqda.

Mukofot jamg'armasi 25 000 AQSH dollarini tashkil qiluvchi ushbu musobaqada mamlakatimizning birinchi raketkasi Humoyun Sultonovdan tashqari Sergey Fomin ham ishtirok etyapti. Ikkinchi raketkamiz 1/16 finalda niderlandiyalik Mishel De Krom ustidan irodali g'alabaga erishdi - 3/6, 6/1, 6/4.

Taqqoslash uchun, Fomin ATP reytingida 665, De Krom esa 776-pog'onadan joy olgan. Bu tennischilarning o'zaro o'tkazgan ilk uchrashuvi bo'ldi. Bugun Sergey Fomin 1/8 finalda dunyoning 361-raketkasi bo'lib turgan daniyalik Elmer Myullerga qarshi kortga chiqadi. Ushbu bahs bizning vaqt bilan soat 16:00da boshlanadi.