Sevastova startdayoq yutqazib qo'ydi

Kutilmaganda dunyoning 43-raketkasi Anastasiya Sevastova ilk davra uchrashuvidayoq mag'lubiyat alamini totib ko'rdi. Latviyalik tennis malikasi WTA reytingida 82-pog'onani band etib turgan ruminiyalik Irina-Kameliya Beguga ikki setda ham bir 2/6 hisobida yutqazdi. 

Uchrashuv 68 daqiqa davom etgan. Begu ikkita eys zarbasini amalga oshirdi, 30 yoshli Sevastovada esa bu ko'rsatkich nol ko'rinishida bo'ldi. Tennischilarning o'zaro uchrashuvlaridagi hisob muvozanati esa tiklandi - 3:3.