09 okt 08:38
Yangiliklar

Tennis

Shanghai Masters. Endi Marrey 189 daqiqalik bahs o'tkazdi

Xitoyning SHanxay shahrida tennis bo'yicha “Masters” seriyasiga kiruvchi turnir davom etmoqda.

Britaniyalik tennischi Endi Marrey “Masters”ning ikkinchi davrasida italiyalik Fabio Foniniga qarshi kortga chiqdi. Reytingning 289-pog'onasidan joy olgan Marrey 3 soatu 9 daqiqa davom etgan uchrashuvda raqibiga 6/7(4), 6/2, 6/7(2) hisobida imkoniyatni boy berdi.

32 yoshli Endi bahs davomida 13 ta, dunyoning 12-raketkasi bo'lgan Fonini 9 ta eys zarbasini amalga oshirdi. Ikki tengdosh tennischilarning o'zaro uchrashuvlaridagi hisob muvozanati tiklandi - 4:4.