12 okt 17:26
Yangiliklar

Tennis

SHanxay "Masters". Novak Jokovich kutilmaganda 204-raketkaga yutqazib qo'ydi

Xitoyning SHanxay shahrida o'tkazilayotgan tennis bo'yicha "Masters" seriyasiga kiruvchi nufuzli turnirda finalchilar aniqlandi.

Kutilmaganda dunyoning beshinchi raketkasi Novak Jokovich 1/2 finalda musobaqa kashfiyotiga aylangan, ATP reytingida 204-pog'onada borayotgan monakolik Valenten Vasheroga yutqazib qo'ydi. 101 daqiqa davom etgan bahsda Novak 3/6, 4/6 hisobida imkoniyatni boy berdi.

Bu tennischilarning o'zaro o'tkazgan ilk uchrashuvi bo'ldi. Jokovich 5, Vashero 6 ta eys zarbasini amalga oshirdi. Qo'shxatolar Novakda ko'proq bo'ldi - 5 ga 4. Breyklar bo'yicha esa Valenten ustunlikka erishdi - 3 ga 1.

Vashero faoliyatida ilk bor reytingda Top-10`talikda borayotgan tennischini mag'lub etdi. U "Masters" turnirlari tarixida finalga chiqqan eng reytingi past tennischiga ham aylandi.