07 okt 11:25
Yangiliklar

Tennis

Shanghai Masters. Karlos Alkarazning yurishi davom etmoqda

Dunyoning ikkinchi raketkasi Karlos Alkaraz tennis bo'yicha SHanxay "Masters" turnirining to'rtinchi davra ishtirokchisiga aylandi.

Ispaniyalik tennischi uchinchi davrada ATP reytingida 560-pog'onada borayotgan xitoylik U Ibinni qiyinchilik bilan mag'lubiyatga uchratdi - 7/6(5), 6/3. Tennischilarning o'zaro uchrashuvlaridagi hisob ko'rinishi 2:0 ga etdi.

Roppa-rosa 100 daqiqa davom etgan bahsda Alkaraz 11, U Ibin 7 ta eys zarbasini amalga oshirgan. Ikkala tennischi ham bittadan qo'shxatoga yo'l qo'ydi. Breyklar bo'yicha ustunlik Karlos tomonida bo'ldi - 2 ga 0!

SHu tariqa, ispaniyalik tennischi mavsumdagi 50-g'alabasini qo'lga kiritdi. U bu yil 9 marotaba mag'lub bo'lgan. Bu uning xard qoplamali kortlarda qo'lga kiritgan 100-g'alabasi ham bo'ldi.