06 okt 08:19
Yangiliklar

Tennis

SHanxay "Masters". Jokovich tay-breyklarda qiyini g'alabaga erishdi

Xitoyning SHanxay shahrida tennis bo'yicha "Masters" seriyasiga kiruvchi nufuzli turnir davom etmoqda.

Dunyoning to'rtinchi raketkasi Novak Jokovich o'z ishtirokini to'g'ridan-to'g'ri ikkinchi davradan boshladi. Serbiyalik tennis afsonasi ATP reytingida 43-o'rinni egallab turgan amerikalik Aleks Mikelsenni qiyinchilik bilan mag'lubiyatga uchratdi. Ikkala set taqdiri tay-breklarda hal bo'ldi - 7/6(3), 7/6(9).

Bu tennischilarning o'zaro o'tkazgan ilk uchrashuvi bo'ldi. Bir soatu 55 daqiqa davom etgan bahsda Jokovich 7, Mikelsen 10 ta eys zarbani amalga oshirgan. Ikkala tennischi ham 2 tadan breykdan foydalangan.