SHavkat Mirziyoev Toshkentda yangi qurilgan suv sporti saroyiga bordi. Prezident u erda licenziant sportchilar bilan suhbatlashdi

O'zbekiston Kasaba uyushmalari federaciyasiga qarashli mazkur majmua suv sporti rivojlangan mamlakatlar tajribasi asosida qurilgan. Etiborlisi, bu erda ham professional sportchilar, ham havaskorlar uchun sharoit yaratilgan.

50 metrli basseyn va 500 o'rinli tomoshagohga ega katta zalda xalqaro miqyosdagi musobaqalar, terma jamoamizning o'quv-mashg'ulot yig'inlarini o'tkazish uchun zamonaviy sharoitlar bor. Balandlikdan sakrash va kichik havzalarda bolalar suv sportini o'rganadi. 

Majmuada yoshlar, mehnat jamoalari va faxriylar salomatliklarini mustahkamlashi mumkin. U bir vaqtning o'zida 100 nafar, bir kunda mingdan ziyod aholiga xizmat ko'rsatish quvvatiga ega.

Ikkinchi qavatda mamuriyat va murabbiylar xonasi, konferenciya zali, trenajyor xonasi hamda sport sharhlovchilari uchun maxsus xonalar joylashgan. 

Majmua negizida Suv sporti maktabi tashkil etilgan. Davlatimiz rahbari bu erda yosh sportchilarning mashg'ulotlarini kuzatdi. Ularning intilishlarini qo'llab-quvvatlab, ulkan yutuqlarga ruhlantirdi.

Bu yil Parij shahrida o'tkaziladigan yozgi Olimpiya va Paralimpiya o'yinlariga O'zbekiston kasaba uyushmalari federaciyasi tizimidan 13 nafar sportchi licenziya qo'lga kiritgan. Prezidentimiz mazkur sportchilar va murabbiylar bilan suhbatlashdi.

- SHaharu qishloqlarda sport majmualari qurib, uni ommalashtirishga katta etibor beryapmiz. CHunki sport bilan shug'ullangan yoshlar kam bo'lmaydi, sog'lom bo'ladi, bolalariniyam shunday tarbiyalaydi. Sizdek professional sportchilar bu yo'lda yoshlarga ham iftixor, ham o'rnak bo'ladi, - dedi SHavkat Mirziyoev.