SHifokorlarimizning say-harakatlari bilan atletlarimiz muvaffaqiyatga erishishmoqda

Taekvondo bahslarida O'zbekiston delegaciyasi bayroqdori Ulug'bek Rashitov o'ziga xos iroda ko'rsatib, oltin medalga ega chiqdi.

Gap shundaki, chorak final bahsida Rashitovning eronlik raqibi unga qarshi taqiqlangan zarbani qo'lladi. Kuchli zarbadan so'ng, ko'pchilik Ulug'bekning kurashni davom ettira olishidan havotirda edi. Ammo Respublika sport tibbiyoti ilmiy-amaliy markazi shifokorlari Olimpiya chempioni hisoblangan musobaqa favoritiga o'z vaqtida tibbiy yordam ko'rsatib, uni kurashga qaytarishga muvaffaq bo'lishdi va o'ziga xos tarzda ushbu oltin medalning qo'lga kiritilishida muhim rol o'ynadilar. Sportchimizning holati haqida Tibbiyot markazi mutaxassislari quyidagicha javob berishdi:

"Ulug'bek Rashitov musobaqa davomida tovon sohasi, axil payi birikkan nuqtadan jarohat oldi va buning natijasida sportchimiz kuchli og'riqni his qildi. Taekvondochimizga kelgusi bosqichlarda dayanga chiqishi uchun «Game Ready» muzlatuvchi uskuna, lazer, ultratovush hamda boshqa bir qator usullarni qo'llagan holatda tibbiy yordam ko'rsatildi".

Natija esa barchaga malum, Ulug'bek Rashitov barcha bellashuvlarda raqiblaridan har tomonlama ustun ekanini ko'rsatib, delegaciyamizga muhim oltin medalni taqdim qildi.