SHnayder o'zidan 24 yoshga katta Vinus Uilyamsni engdi

Dunyoning 62-raketkasi bo'lib turgan rossiyalik 20 yoshli Diana SHnayder ilk davrada WTA reytingida 457-pog'onadan joy olgan amerikalik tajribali raqibasi, yozda 44 yoshga to'ladigan Vinus Uilyamsni 6/3, 6/3 hisobida mag'lubiyatga uchratdi. Bu ikki avlod tennischilarning o'zaro o'tkazgan ilk uchrashuvi edi.  

Bir soatu 19 daqiqa davom etgan bahsda SHnayder ham, Uilyams ham 2 tadan eys zarbasini amalga oshirgan. Qo'shxatolar 6 ga 4 Vinus, breyklar esa 6 ga 3 ko'rinishida Diana foydasiga bo'ldi. Endi SHnayder Mayami turnirining ikkinchi davrasida boshqa bir amerikalik tennischi Medison Kizga qarshi kortga chiqadi.