14 iyu 10:29
Yangiliklar

Tennis

Simona Xalep Birmingemda muvaffaqiyatli start oldi

Britaniyaning Birmingem shahrida tennis bo'yicha maysa qoplamali mavsumning nufuzli turnirlaridan biri bo'lib o'tmoqda.

Sayyoramizning 20-raqamli tennis malikasi Simona Xalep birinchi davra uchrashuvida WTA reytingining 116-pog'onasidan joy olgan ukrainalik Lesya Curenkoni 6/1, 6/4 hisobida mag'lub etdi.

Bir soatu 19 daqiqa davom etgan bahsda ruminiyalik tennischi 3 ta eys, 5 ta breykni amalga oshirib, 2 ta qo'shxatoga yo'l qo'ydi. Bu tennischilarning o'zaro o'tkazgan to'qqizinchi uchrashuvi edi - 9:0!

Endi Simona Birmingem WTA 250 turnirining chorak final chiptasi uchun britaniyalik Xerriet Dartga qarshi kortga chiqadi.